Xa temos aquí a programación para o acto das Letras Galegas deste domingo 17 de maio, ás 12h no Ateneu Roig.
MAR DOCE LAR – Letras Galegas 2015
Recital de textos de autores brasileiros, portugueses e galegos, con acompañamento musical.
Os asistentes que o desexen poderán participar no recital, avisando aos organizadores uns minutos antes de comezar o acto. Podedes traer os textos que queirades, intentando enlazar coa temática proposta (Mar)
Despois do recital haberá un xantar: Fideos á cazola, pan, viño, auga. E de postre queixo con marmelo. Para poder calcular as cantidades, se tedes intención de participar no xantar, escribide a info.acgb@gmail.com antes do xoves á noite.
Tamén haberá libro en galego, animádevos a manter vivas estas Letras Galegas!
ACGB 