Como evolucionou a lingua galega nos últimos anos? Foron efectivas as políticas normalizadoras aplicadas até o momento? Cal é a situación do idioma despois de máis de 30 anos de ensino de galego nas escolas? Que cómpre facer de cara o futuro da lingua? Como podemos facer valer os nosos dereitos lingüísticos?
Para responder a estas preguntas, a todas as que poidades ter e contar coas vosas reflexións sobre a lingua galega e os dereitos lingüísticos en xeral, o sábado 5 de novembro -ás 20h– visita a ACGB Marcos Maceira, presidente da Mesa pola Normalización Linguística (amesa.gal) canda Paul Bilbao, secretario xeral de Kontseilua, plataforma de asociacións a prol do éuscaro.
O encontro terá lugar na nosa sede, a Associació Cultural Roig (Carrer del Torrent d’En Vidalet, 34, 08012 Barcelona).
Agárdamosvos! Non dubidedes enviar a información a todas as persoas que poidan ter interese e facer toda a difusión que vexades axeitada!
Non cómpre inscrición previa.
Este acto está coorganizado co leitorado de galego da Universitat Autònoma de Barcelona.
ACGB 