Faremos as clases de pandeireta e baile os xoves no Ateneu Roig a partir das 19:30 horas.
Se estades interesadas é moi importante que enviedes un mail a aulas.acgb@gmail.com, co voso nome e apelidos, indicando a que modalidade queredes asistir e en que nivel.
Mandarémosvos toda a información e o calendario deste trimestre.
As prazas iranse cubrindo por orde estrita de recepción dos correos, así que non vos despistedes.
Animádevos!!!
O día 5 de xuño, ás 12:30, farase unha homenaxe presencial a Lois Pereiro, replicada o mesmo día e á mesma hora en diversos puntos de Galiza (e máis alá). Será un acto expansivo de conmemoración do 25 aniversario do pasamento de Lois Pereiro, promovido dende o Ateneo Casino de Monforte.
Desde a ACGB, como punto de encontro da Galiza exterior, convidámosvos a participar na homenaxe lendo algúns textos de Lois Pereiro. Ramón Casanova e Anxo Baranga serán os encargados de coordinar as lecturas. Calquera interesada pode ler os textos.
Este acto terá lugar no Ateneu Roig antes do concerto de Caamaño & Ameixeiras que está programado ás 13 horas do mesmo día e do que tedes información nesta mesma páxina, un chisco máis abaixo.
Publicado en actividades, cultura, Novas
Etiquetado Ateneu Roig,Casino Monforte,Lois Pereiro
O 5 de xuño, ás 13 horas, no Ateneu Roig, Sabela Caamaño e Antía Ameixeiras presentarán o seu disco “Aire!” dentro da programación dos “Vermús da ACGB“.
“Aire!” é o berro das foliadas, desa catarse colectiva. De momento, a causa do Covid, non podemos facer estas fías como se merecen, pero como ouvintes desfrutaremos moitísimo.
Caamaño no acordeón cromático e Ameixeiras no violín, serán as protagonistas do noso vermú, cun repertorio que respira Galiza por mar, terra e aire!!!
IMPORTANTE: para reservas, escribide a comisionactividadesacgb@gmail.com O aforo é limitado.
APORTACIÓN: 7€
O cartaz é un deseño de Miriam Dida (moitísimas grazas <3).
Publicado en actividades, Novas
Etiquetado Antía Ameixeiras,foliada,Miriam Dida,Sabela Caamaño,vermú
A ACGB celebra o día das letras galegas o 15 de maio na Plaça Joanic de Barcelona.
Este ano está dedicado á creadora, poeta, editora, tradutora e mestra, Xela Arias.
Teremos dúas horas de charlas, contos, maios e música, para celebrar as nosas Letras.
Podedes ver a programación no cartaz:
Publicado en actividades, Novas
Etiquetado Día das letras,Furafollas,Letras Galegas,Maios,Xela Arias
O 8 de outubro arrincan as aulas da ACGB!
Faremos clases os xoves no Ateneu Roig, intercalando pandeireta e baile. Os horarios para entrambas modalidades serán:
Este ano, para cumprir coas medidas de seguridade, teremos un aforo máis limitado, polo que se vos queredes anotar, é MOI IMPORTANTE que enviedes o mail a aulas.acgb@gmail.com co voso nome e apelidos, indicando a que modalidade/s queredes asistir e en que nivel.
Mandarémosvos toda a información e o calendario deste trimestre.
As prazas iranse cubrindo por orde estricta de recepción dos emails, así que non vos despistedes!
Animádevos!!!
O cocido anual da ACGB xa forma parte da tradición e está instaurado nas nosas retinas, no noso corazón e no noso bandullo.
Este ano será o sábado 7 de marzo ás 14.00 h no Ateneu Roig.
Recoméndase chegar un chisco antes para coller sitio.
O prezo do xantar é de:
* Para facerse socix ou renovar a cota de 2020, aquí tedes a información: http://www.acgb.gal/asociate
O menú inclúe: Cocido + auga/viño tinto + sobremesa.
Os billetes estarán á venda no Ateneu Roig (se hai persoal da ACGB) e no Ego Galego (sempre).
Hai aforo limitado!!
AVISO: se comprades o billete e finalmente non podedes vir, non hai devolución dos cartos.
Despois do cocido haberá foliada con sabor de Lk.
Non hai escusa para non vir!!
Sabedes quen estará connosco, coa ACGB, o 20 de marzo? Estará Xabier Díaz, o mesmo Mr. Tambourine Man, para impartir unha aula maxistral de pandeireta e pandeiro cadrado en La Violeta de Gràcia.
Xabier Díaz foi cantante en proxectos como Nova Galega de Danza, Berrogüetto ou aCadaCanto e agora vén a Barcelona a presentar o seu terceiro disco coas Adufeiras de Salitre: “As catedrais silenciadas”.
Información:
• Prezo socias ACGB: 20€
• Prezo xeral: 30€
✉ Para a inscrición: aulas.acgb@gmail.com
🕖 Horario: de 19 a 22 horas
🏷 Nivel medio avanzado
⚠ Prazas limitadas!
Publicado en actividades, música, Novas
Etiquetado pandeireta,pandeiro,Xabier Díaz
Hai un mes da última foliada da ACGB e parece que o corpo está a pedir outra!
Será este xoves, día 19 de decembro no Ateneu Roig 🌟
Haberá música, baile e comida rica e brindaremos porque cada ano que pasa, pasámolo cada vez mellor.
Traede instrumentos, ganas de festa e sen hora de voltar a casa!
Esperámosvos!
Publicado en actividades, galego, música
Xoves, 20 de decembro ás 19.30 horas no Ateneu Roig celebraremos o fin de curso de Nadal das aulas de pandeireta e baile tradicional da ACGB.
Podes levar o teu instrumento e tamén ganas por cantar, bailar e pasalo ben!
Que o Ateneu Roig proporcione as bebidas e nós levaremos algo de alimento para compartir entre todxs!
Opaiii!
Publicado en actividades, cultura, galego, música
Bolsas ACGB
ACGB-TV
Ludotega, para nenas e nenos en galego
Gosto do Magosto
Birrantia - Obradoiro cervexeiro e espazo de librebebemento
Aula de Pandeireta de l'ACGB
FIA: Foliada Intercultural Aberta Colectivo musical
As Larpeiras
ACGB TEATRO
Sabela Labraña - Biblioteca
Conversemos
ACGB 