Os vermús da ACGB

Publicado o Novembro 3, 2021 por | Deixar un comentario

O 21 de novembro, no Ateneu Roig, proxección do documental

Dorothé na vila.

Un filme de Alejandro Gándara e Olaia Tubío. Unha viaxe tras as voces do cancioneiro para os vermús da ACGB.

Prezo: Billeteira inversa.

Deixar un comentario

Publicado en actividades, cultura, música, Novas

Etiquetado ,,,

As Aulas están de volta!!!

Publicado o Setembro 18, 2021 por | Deixar un comentario
Aulas ACGB
Cartaz cortesía de Miriam Dida

En outubro arrancan as aulas da ACGB!

Faremos as clases de pandeireta e baile os xoves no Ateneu Roig a partir das 19:30 horas.

Se estades interesadas é moi importante que enviedes un mail a aulas.acgb@gmail.com, co voso nome e apelidos, indicando a que modalidade queredes asistir e en que nivel.

Mandarémosvos toda a información e o calendario deste trimestre.

As prazas iranse cubrindo por orde estrita de recepción dos correos, así que non vos despistedes.

Animádevos!!!

Deixar un comentario

Publicado en actividades, Novas

Etiquetado ,,

25 anos con Lois Pereiro

Publicado o Maio 24, 2021 por | Deixar un comentario

O día 5 de xuño, ás 12:30, farase unha homenaxe presencial a Lois Pereiro, replicada o mesmo día e á mesma hora en diversos puntos de Galiza (e máis alá). Será un acto expansivo de conmemoración do 25 aniversario do pasamento de Lois Pereiro, promovido dende o Ateneo Casino de Monforte.

Desde a ACGB, como punto de encontro da Galiza exterior, convidámosvos a participar na homenaxe lendo algúns textos de Lois Pereiro. Ramón Casanova e Anxo Baranga serán os encargados de coordinar as lecturas. Calquera interesada pode ler os textos.

Este acto terá lugar no Ateneu Roig antes do concerto de Caamaño & Ameixeiras que está programado ás 13 horas do mesmo día e do que tedes información nesta mesma páxina, un chisco máis abaixo.

Deixar un comentario

Publicado en actividades, cultura, Novas

Etiquetado ,,

Caamaño e Ameixeiras

Publicado o Maio 19, 2021 por | Deixar un comentario

O 5 de xuño, ás 13 horas, no Ateneu Roig, Sabela Caamaño e Antía Ameixeiras presentarán o seu disco “Aire!” dentro da programación dos “Vermús da ACGB“.

“Aire!” é o berro das foliadas, desa catarse colectiva. De momento, a causa do Covid, non podemos facer estas fías como se merecen, pero como ouvintes desfrutaremos moitísimo.

Caamaño no acordeón cromático e Ameixeiras no violín, serán as protagonistas do noso vermú, cun repertorio que respira Galiza por mar, terra e aire!!!

IMPORTANTE: para reservas, escribide a comisionactividadesacgb@gmail.com O aforo é limitado.

APORTACIÓN: 7€

O cartaz é un deseño de Miriam Dida (moitísimas grazas <3).

Deixar un comentario

Publicado en actividades, Novas

Etiquetado ,,,,

Día das letras galegas 2021

Publicado o Maio 9, 2021 por | Deixar un comentario

A ACGB celebra o día das letras galegas o 15 de maio na Plaça Joanic de Barcelona.

Este ano está dedicado á creadora, poeta, editora, tradutora e mestra, Xela Arias.

Teremos dúas horas de charlas, contos, maios e música, para celebrar as nosas Letras.

Podedes ver a programación no cartaz:

Deixar un comentario

Publicado en actividades, Novas

Etiquetado ,,,,

NA TABERNA CANTO CONTO: REVOLUÇÃO

Publicado o Abril 16, 2021 por | Deixar un comentario

O domingo 25 de abril, ás 12:30, a Agrupación de teatro FURAFOLLAS, xunto con ANIN (Associació de Narradores i Narradors de Catalunya), presentan:

NA TABERNA CANTO CONTO: REVOLUÇÃO

Unha sesión de contos+vermú, homaxe á Revolución dos Cravos que terá lugar no Ateneu Roig.

Terá a colaboración musical de Míriam Dida e Mijael Bello

Por causa das medidas restritivas pola Covid-19, é preciso reservar localidade.

Reservas:

https://ja.cat/ef5Rc

https://furafollas.wordpress.com

Non volo perdades!!!

Deixar un comentario

Publicado en cultura, música

Etiquetado ,,

Apalpador virtual

Publicado o Decembro 6, 2020 por | Deixar un comentario

Ola, ludotegueir@s!

Queríamosvos contar que este ano tamén imos ter visita do Apalpador, pero virtual. O Apalpador está preparando todo para facer unha conexión utilizando meet o sábado 12 ás 18h.

Imos ter moitas sorpresas e, sobretodo, ímonos desexar un bo 2021. Pero, coma sempre, precisamos que mandedes un correo confirmando asistencia a ludotega@gmail.com

Deixar un comentario

Publicado en LudoteGa, Novas

Etiquetado ,

Foliadeirxs, estamos de volta!!!

Publicado o Outubro 1, 2020 por | Deixar un comentario

O 8 de outubro arrincan as aulas da ACGB!

Faremos clases os xoves no Ateneu Roig, intercalando pandeireta e baile. Os horarios para entrambas modalidades serán:

  • Iniciación de 19:30 a 20:30h.
  • Avanzado de 20:30 a 21:30h.

Este ano, para cumprir coas medidas de seguridade, teremos un aforo máis limitado, polo que se vos queredes anotar, é MOI IMPORTANTE que enviedes o mail a aulas.acgb@gmail.com co voso nome e apelidos, indicando a que modalidade/s queredes asistir e en que nivel.

Mandarémosvos toda a información e o calendario deste trimestre.

As prazas iranse cubrindo por orde estricta de recepción dos emails, así que non vos despistedes!

Animádevos!!!

Deixar un comentario

Publicado en actividades, Novas

Etiquetado ,,,

Volve o entroido a Cardedeu

Publicado o Marzo 7, 2020 por | Deixar un comentario

Entroido

Ola Ludoteguer@s! Volve o Entroido a Cardedeu!
  • Ás 11h comezarán as actividades para as crianzas, voltaremos facer un volante imitando o Entroido Ribeirao.
  • Ás 12.30h sairán as Máscaras cos seus axudantes, presentadas por Paola Beiro.
  • Ás 13.00h Farrapada limpa, traede roupa de recambio por se acabades mollados.
  • Ás 13.30h comezaremos a xantar. Cada quen trae o que quere, convídamosvos a traer sobremesas de entroido para partillar. Se non queredes cociñar, Sergi (de Casa Aturuxo, Sabadell ) ofrécese a traer baixo encargo empanadas, embutidos, pan e sobremesas!
Despois de xantar haberá foliada e dj Nacho O’Jarvanzo. A festa está asegurada!
Lembrade que podedes vir disfrazad@s!!!
Aquel día teremos a venda o libro-cd  “O Colo das Palabras”, poemas de Antón Cortizas, ilustrado por Leandro Lamas e interpretado por varios músic@s galeg@s. Os cartos recadados irán para as Escolas de Ensino en Galego Semente.

 

Deixar un comentario

Publicado en actividades, LudoteGa, Novas

Etiquetado ,

Cocido 2020

Publicado o Febreiro 14, 2020 por | Deixar un comentario

Cocido ACGB 2020

O cocido anual da ACGB xa forma parte da tradición e está instaurado nas nosas retinas, no noso corazón e no noso bandullo.

Este ano será o sábado 7 de marzo ás 14.00 h no Ateneu Roig.

Recoméndase chegar un chisco antes para coller sitio.

O prezo do xantar é de:

  • 13€ para socixs*
  • 16€ para non socixs
  • 7€ para as crianzas.

* Para facerse socix ou renovar a cota de 2020, aquí tedes a información: http://www.acgb.gal/asociate

O menú inclúe: Cocido + auga/viño tinto + sobremesa.

Os billetes estarán á venda no Ateneu Roig (se hai persoal da ACGB) e no Ego Galego (sempre).

Hai aforo limitado!!

AVISO: se comprades o billete e finalmente non podedes vir, non hai devolución dos cartos.

Despois do cocido haberá foliada con sabor de Lk.

Non hai escusa para non vir!!

Deixar un comentario

Publicado en actividades, cociña, Novas

Etiquetado ,