Arquivo por etiquetas: ACGB

Xaneiro na biblioteca

Publicado o Xaneiro 4, 2023 por | Deixar un comentario

A Biblioteca Sabela Labraña comeza o ano con forza. Para este mes de xaneiro, hai dous actos programados e os dous en colaboración con outras entidades.

Para o 25 de xaneiro, ás 18:30 na Biblioteca Mercè Rodoreda do barrio do Guinardó (Carrer de les Camèlies, 76 de Barcelona), Xoán Rubia, en concerto, amenizará a presentación do seu libro “Pasaba por alí (e quedei un intre)“. Teremos a Daniel Adzemian na guitarra. E na presentación, contaremos con Laura Duarte, Rosa Ollé, Anxo Baranga e Joan Prados.

Catro días despois, o domingo 29 de xaneiro, ás 12:00, no Ateneu Roig (Torrent de’n Vidalet, 34 de Barcelona), teremos presentación da escolma poética “O camiño das estrelas“. Haberá recital a cargo de Francesc Cornadó, Gustavo Vega, Josep Antón Soldevila, Mila Villanueva, Pura Salceda e Raida Rodríguez Mosquera. A presentación do libro estará a cargo de Laura Duarte, Anxo Baranga e Manuel Fortes.

Animádevos a gozar dun vermú poético!

Deixar un comentario

Publicado en actividades, Biblioteca, cultura, Novas

Etiquetado ,,,,

Monográfico de bailes e músicas de Ourense con Artur Puga

Publicado o Novembro 18, 2022 por | Deixar un comentario

Xentiña! O vindeiro 3 de decembro, @arturpuga achegarase até a ACGB para impartir un curso monográfico de baile e música tradicional do noroeste de Ourense. Haberá diferentes talleres ao longo do día. Pódeste apuntar a un só ou quedar a pasar a xornada enteira💙

Os cursos son abertos para todos os niveis, así que tanto se levas moito tempo no tradi coma se te queres iniciar, anímate, é a túa oportunidade😉

Ao mediodía temos organizado un xantar (17€) para repoñer forzas e comezar a tarde con enerxía. Ademais, haberá opción vexetariana 🌱. Apúntate para reservar a túa praza! 🍽

Ah! E o mellor de todo… para pechar a xornada e poñer en práctica o aprendido, remataremos cunha boa FOLIADA! 🥳

🗓 Sábado 3 de decembro do 2022   

📌 Lluïsos de Gràcia (Plaça del Nord, n7)  

📝 Inscricións neste formulario:  https://forms.gle/q6BpX7eKZE1cr2ha8 (ou nas nosas redes sociais).

Bulide… as prazas son limitadas!    

Os carteis son de @miriam.dida

Deixar un comentario

Publicado en actividades, cultura, música, Novas

Etiquetado ,,,,

Espectáculo de monicreques

Publicado o Setembro 21, 2022 por | Deixar un comentario

O domingo 2 de outubro, ás 12:00 horas, estamos todas convocadas ao espectáculo de monicreques BARRIGA VERDE ATACA DE NOVO a cargo de TÍTERES ALAKRÁN.

Baseado en marionetas de luva construídas e manipuladas por Borja Insua (monicrequeiro, actor e escultor), trátase dun espectáculo de monicreques de cachaporra tradicional, inspirado nas rutinas que facía Xosé Silvent, na súa famosa barraca, a principios do século XX. Barriga Verde é o monifate popular de Galiza, representando co seu humor a idiosincrasia galega. Títeres Alakrán recupera a súa figura adaptándoa ao mundo contemporáneo para que a nosa tradición siga viva e non morra.

Barriga Verde ataca de novo reinventa os clásicos números da morte, o demo, o militar ou a tourada.

Duración: 45 min.

Público xuvenil e adulto.

O lugar, como decote, será o Ateneu Roig (Torrent d’en Vidalet, 34 de Barcelona).

O prezo, o que queirades (billeteira inversa).

Animádevos que promete!!!

Deixar un comentario

Publicado en actividades, cultura, Novas

Etiquetado ,,,,,

De volta ás aulas

Publicado o Setembro 16, 2022 por | Deixar un comentario
Aulas ACGB
Cartaz cortesía de Miriam Dida

En setembro voltan as aulas da ACGB!

Faremos as clases de pandeireta e baile os xoves no Ateneu Roig a partir das 19:00 horas.

Se estades interesadas é moi importante que enviedes un mail a aulas.acgb@gmail.com, co voso nome e apelidos, indicando a que modalidade queredes asistir e en que nivel.

Mandarémosvos toda a información e o calendario deste trimestre.

As prazas iranse cubrindo por orde estrita de recepción dos correos, así que non vos despistedes.

Animádevos!!!

Deixar un comentario

Publicado en actividades, cultura, música, Novas

Etiquetado ,,,

Primavera Son

Publicado o Maio 8, 2022 por | Deixar un comentario

Celebramos as Letras Galegas o sábado, 14 de maio na Plaça Joanic de Barcelona, como sabedes. Será a nosa 1a edición de PRIMAVERA SON 🌻

Comezaremos cunha lectura do manifesto “Estreleira Viaxeira” ás 11:45 horas. O manifesto nace co obxectivo de “divulgar e popularizar os símbolos máis senlleiros da Galiza”. E penduraremos unha bandeira de 10m x 10m dun dos nosos símbolos.

Despois temos sesión vermú amenizada coa “Xaranga Màgic”. Non hai festa na que non estea esta fusión de éxito: Lk + fanfarra 🥃 🎺

Ah, haberá polbeiro todo o día na praza 🐙 para o xantar, merenda e cea!

Sabedes que o escritor e activista político Florencio Delgado Gurriarán é o autor homenaxeado deste ano? pois ben, Furafollas Agrupación Teatral encargárase de que Florencio estea presente no evento con teatro encontro e posteriormente, Aula d’idiomes fará unha presentación do autor e a súa obra.

Ás 17:30 horas comezará unha foliada aberta. Preparade instrumentos e ganas de bailar!

Monoulious DOP, un trío de Noia estarán connosco! Fan cancións de “temática gastronómica, desamorosa e climatolóxica para brincar sen parar”, como din eles. Será apocalíptico 🎤🎬

Para rematar, ás 22:00 volve o DJ Cortizo para poñer a “ghinda” ao Primavera Son.

Podedes mirar os horarios no cartel, serán aproximados (intentaremos cumprir con eles). Podedes compartir cos vosos coñecidos, compis e familia.

Queda pouquiño para que Primavera Son comece! Faremos historia! 💙

Ah, o cartel é obra, as usual, da nosa querida compañeira Miriam Dida! Grazas.

Deixar un comentario

Publicado en actividades, cultura, lingua, Novas

Etiquetado ,,,,

IV Cocido da ACGB

Publicado o Febreiro 7, 2022 por | Deixar un comentario
Cartaz cortesía de Miriam Dida

O vindeiro sábado 19 de febreiro celebraremos o IV Cocido da ACGB no Ateneu Roig, ás 14:00 h. 

O prezo do xantar será de 15€ para socias da ACGB, 18€ entrada xeral e 7€ para menores de 16 anos. Haberá opción de xantar vegano.

A partir de hoxe, luns 7 de febreiro á tarde, comezará a venda física de entradas no Ego Galego (C. de Goya, 20) e xoves 10, tamén á tarde no Ateneu Roig (C. del Torrent d’En Vidalet, 34). O número máximo de entradas que se poderán mercar por persoa é de 4. Hai aforo limitado así que non o dubidedes!

Animádevos porque os nosos cocidos son un éxito total: polo sabor, polo recendo e pola compañía! 🥳

Deixar un comentario

Publicado en actividades, cociña, Novas

Etiquetado ,,,

Discofórum

Publicado o Xaneiro 10, 2022 por | Deixar un comentario

Desde a ACGB, en colaboración co equipo Discofòrum, propoñémosvos participar nun discofórum de música galega o vindeiro domingo 16 de xaneiro ás 11:30h no Ateneu Roig.

Que é o discofòrum? É un grupo de persoas que se atopa para compartir música, experiencia e debate. Cada persoa leva unha canción para escoitar e despois coméntase coas aportacións de todo o grupo: sensacións, gustos, letra, melodía… As sesións duran arredor de dúas horas. É unha actividade que vai dirixida a calquera persoa que goce da música, sen necesidade de ser experta, na procura de xerar un espazo de encontro mediante un acceso á musica non mediatizado polo interés comercial.

O equipo Discofòrum, formado por Jordi, Rodrigo e Joan, e integrado dentro do programa Cultura Viva do Concello de Barcelona, leva realizando numerosos discofórums en diferentes ateneus e barrios da cidade. Neste caso, en colaboración coa ACGB, propoñen facer un discofòrum exclusivamente de música galega, coa fin de xerar un encontro que nos permita partillar a nosa música.

Anímaste a participar?

Precisamos dun mínimo de oito participantes que escollan unha canción e a manden ao email joan.m.gual@gmail.com antes do venres 14 de xaneiro.

Anímate! Calquera estilo, ritmo ou época é benvido!

Deixar un comentario

Publicado en actividades, música, Novas

Etiquetado ,,,

Vermutazo!

Publicado o Xaneiro 3, 2022 por | Deixar un comentario

O vermutazo da ACGB chega con máis forza que nunca!

O 2022 será o noso ano ✌🏼

Virá Roberto Sobrado encher a nosa sede de música e poesía. Música feita con sentidiño e sentimento. Música feita en Galiza e en galego.

A formación galega Grupo Chévere estará connosco tamén. Falará da súa obra N.E.V.E.R.M.O.R.E. e como influíu o afundimento do petroleiro Prestige no ámbito social, político e cultural.

N.E.V.E.R.M.O.R.E. estará no Teatre Lliure do 07/01 deica o 16/01/22. (función en galego o 14/01/2022)

Non hai mellor xeito de comezar o ano!!!

📸 @miriam.dida

Deixar un comentario

Publicado en actividades, Novas

Etiquetado ,,,,,

Os vermús da ACGB

Publicado o Novembro 3, 2021 por | Deixar un comentario

O 21 de novembro, no Ateneu Roig, proxección do documental

Dorothé na vila.

Un filme de Alejandro Gándara e Olaia Tubío. Unha viaxe tras as voces do cancioneiro para os vermús da ACGB.

Prezo: Billeteira inversa.

Deixar un comentario

Publicado en actividades, cultura, música, Novas

Etiquetado ,,,

Foliadeirxs, estamos de volta!!!

Publicado o Outubro 1, 2020 por | Deixar un comentario

O 8 de outubro arrincan as aulas da ACGB!

Faremos clases os xoves no Ateneu Roig, intercalando pandeireta e baile. Os horarios para entrambas modalidades serán:

  • Iniciación de 19:30 a 20:30h.
  • Avanzado de 20:30 a 21:30h.

Este ano, para cumprir coas medidas de seguridade, teremos un aforo máis limitado, polo que se vos queredes anotar, é MOI IMPORTANTE que enviedes o mail a aulas.acgb@gmail.com co voso nome e apelidos, indicando a que modalidade/s queredes asistir e en que nivel.

Mandarémosvos toda a información e o calendario deste trimestre.

As prazas iranse cubrindo por orde estricta de recepción dos emails, así que non vos despistedes!

Animádevos!!!

Deixar un comentario

Publicado en actividades, Novas

Etiquetado ,,,